清熱利尿 粟米生熟薏米湯水
廣告
清熱 利尿的粟米生熟薏米湯水有清熱降火同利尿消腫功效，最好就是超級簡單。由於有超香粟米香，入口又好濃粟米味，所以粟米怪的小小豬都不知幾鐘意飲，仲話這麼多涼茶他最鐘意飲這個，叫我下次再煲。小小豬幾時學識賣口乖呢？不過見他這樣賞面，又主動飲，我當然非常樂意再煲。溫馨提示，由於材料都涉及藥材成分，所以係好因應個人體質，大家記得煲之前了解自己，或者問下相熟中醫/藥材店職員，這個湯料適不適合自己。
資料、圖片來源：小小豬KINSEY | 編輯：Sunday Kiss
清熱利尿 粟米生熟薏米湯水
清熱利尿 粟米生熟薏米湯水材料
| 粟米 | 三條 |
| 生薏米 | 半碗 |
| 熟薏米 | 半碗 |
| 蜜棗 | 四粒 |
清熱利尿 粟米生熟薏米湯水做法：
- 將生、熟薏米洗淨，之後浸水最少半小時。
- 蜜棗浸洗一會兒。
- 粟米洗淨切段，粟米鬚不要浪費，洗淨可以加埋一齊煲，加強利尿消腫功效。
- 煲內放入3碗水，然後將所有材料加入煲內。
- 待水滾後，用大火加蓋煲約15分鐘。
- 然後轉慢火加蓋煲多一小時。
- 待涼後就可以過濾入樽即成。
資料、圖片來源：小小豬Kinsey
